شبكة ذي قار
عـاجـل










تتواصل مشاركات المجاهدين لتقديم الأهازيج والشعارات للمتظاهرين، والتي توضح موقف أبناء الشعب من المجرم المالكي وحكومته الناقصة ، والناقصين الذين فيها.

 

السيد أبو حيدر الحسني يشارك مع إخوانه بمجموعة جديدة من الأهازيج والشعارات ، بارك الله بجهده وجهاده.

 

أهازيج وشعارات يكتبها السيد أبو حيدر الحسني

 

يمالكي شفت الغضب             اشلون من ثار الشعب

جمعة غضب للتغيير              ثورة ثورة للتحرير

ذيج جمعة للبداية                   والتجي ايام النهاية

جمعة غضب جمعة غضب       يمالكي شوف الشعب

رصاص الغدر نتحمله            من الحكومة المهزلة

رصاص الغدر ميفيدك            يمالـــكي منريــــــدك

يمالكي عجب عجب              هزتك جمعـــة الغضب

متفيد الاعتقالات                   منسكت احنه هيهات

هاي الجمعة للتمجيد                للشهداء والتخليد

يمالكي ثار الشعب                  ويحركك بنار الغضب

هذي رسالة الشعب                 من بده بجمعة الغضب

كلنه نمجد الشهداء                 الموت الموت للاعداء

كافي فساد واجرام                  يا ظلام يا حــكــــــــــام

نصر الشعب جاي جاي           يمالكي شنــهو الـــراي

كل الحواجز متفيد                      شعبنه يكسر كل قيـــــد

حزب الدعوة حزب الدعوة   بس اجرام وقتل ورشوة

نرفض نرفض للمحتل        كافي ذل ما نـــتــــحمل

الاقنعة كلها سقطت           وعروشهم اهتـــــــزت

صبرنا زاد عن حده          عزمنـــه مــحد يـــــرده

انكشفت كل الاوراق         والاقنعة والنــفـــــــــاق

يمالكي يـــــدجــــال          ابـــو الـــويــــو يـحيـال

شعب العراق مكبوت         يمـــــالكي يـــطاغــــوت

لا الــــــه الا اللـــــه          المالكي عـــــــدو اللــــــه

يا شـــــباب يا شـــباب        كافي ذلــــة والعـــــــذاب

كافي خمط كافي خمط       يمالكي بـــــكتــــوا الـــنفط

يمالكي كافي ضغط              جاويــــن وديتــــو النـــــــفط

كشر البصل حكمك صار       يمالــــكي يــــــــــــغـــــدار

يمالكي كافي ظلم                 لتلزك بـــكرســـــي الـــحكم

انتفاضتنه الشبابية               لاتــــتــهمــــــنه بالحزبـــــــــية

شباب عراكنه ثوار              همه احــــــرار ولــــد احـــــرار

دم ابنج ياعراقية                 هــــو الثـــمـــــن للـــــــحـــرية

يا كمال الساعدي                 يمــــجـــــــرم ويـــمـــعــــتدي

يا كامل يابن الزيدي             ويــن تــــروح مـــن عــــــــندي

مطلب شعبنه التغيير           حريــــة وعــــمـــــل وتعــبـــير

يمالكي لاتغتر                  لتحارب    شـــعبـــــك      تـــخسر

المحتل جابه يحكمنه        ويـــن يـــروح المــــطلوب النـــــه

منريدك يا ظالم شعبك         يامـــالكي اعـــــوج دربــــــــــك

يالمالكي بطل نهجك          ماتقــــنعنه بـــــهــــذا هـــرجــك

الشعب واعي ويعرف       ماظـــــل واحــــــد مــــتخلـــــــف

يمالكي احسن حل            اخـــرج انـــــت والـــمحـــتــــــــل

دمر وطنه المحتل            شــــعــــب عـــراقــــي مــايــقـبـل

حجاية هاي وبعيدة           احتـــلال امـــريـــكـــــه منـــريده

الشعب باقي للابد            والمالـــكي عـــنــه ابـــتـــــــــعد

يمالكي كافي قمع            الشـــعــب للـــحـــــق يـــندفــــــع

منريد هاي الاحزاب        حاضنة بــــــس لـــــلارهــــــــاب

ابوابك مســـــــدودة        والشـــعــــب مــــــل وعــــــــــوده

 

 

 يا اهل الفلوجة الثوار          عالمحتل غضب ونـــار

يا رمـادي يا رمـادي             ثورة الحق عالأعادي

الأنبار كلها ملاحم              ضد المحتل ضد الظالم

 

 

÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷

 اهزوجة متواصلة بطريقة غنائية

او تؤدى بطريقة جماعية غنائية

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

وين الديمقراطية .... يامالكي

ليش القمع يومية .... يامالكي

ياحامي الحرامية .... يامالكي

كلي وين الحرية .... يامالكي

ماهذه الوحشية .... يامالكي

ارهاب وسلطوية .... يامالكي

انت الدكتاتورية .... يامالكي

باجهزتك الحزبية .... يامالكي

كافي اساليب امنية... يامالكي

جاوين الانسانية .... يامالكي

ليش اعلنت حربية .... يامالكي

شعب عراقي خطية...يامالكي

والعوائل مسبية .... يامالكي

نتظاهر بسلمية .... يامالكي

مطالبنة شرعية .... يامالكي

ماعدنه سوء النية .... يامالكي

نتحمل كل أذية .... يامالكي

تحكمنة العبيجية .... يامالكي

والناس تدفع ديه .... يامالكي

نواياكم رجعية .... يامالكي

الناس تثور يومية .... يامالكي

فكر يانوري شوية .... يامالكي

الدنية تره مكظية .... يامالكي

الرشوة مية بالمية .... يامالكي

والصورة مو مخفية .... يامالكي

هذي افلام مروية .... يامالكي

كل احلامك وهمية .... يامالكي

حكمك يسقط تالية .... يامالكي

وصفحة حكمك مطوية .... يامالكي

وتصبح قصة منسية .... يمالكي

 

 

 



الثلاثاء٢٦ ربيع الاول ١٤٣٢ هـ   ۞۞۞  الموافق ٠١ / أذار / ٢٠١١م


أكثر المواضيع مشاهدة
للإطلاع على مواضيع الكاتب مجاهد العراقي نسخة للطباعة عودة الى صفحة مقالات دليل كتاب شبكة ذي قار تطبيق شبكة ذي قار للاندرويد إشترك بالقائمة البريدية
أحدث المواضيع المنشورة